Semei qalasynda avtoturaq salmaq bolǵan kásipker 17 aǵashty zańsyz kesken, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, 1 qyrkúiekte janarmai quiý beketiniń janynda 51 jastaǵy er adam 17 terekti zańsyz kesken. Anyqtalǵandai, kásipker qalalyq turǵyn úi-kommýnaldyq sharýashylyǵy bóliminen eshqandai ruqsat almasa da, sol jerge avtoturaq salmaq boldy.
«Atalǵan azamat 2021 jyldyń 18 maýsymynda TÚKSh bólimine Boztaev kóshesindegi ǵimarat mańyndaǵy 17 aǵashty kesýge ruqsat berý týraly ótinish jazǵan. Alaida 23 maýsymdaǵy jaýapta «E.license« portalynda kórsetilgen qajetti qujattar tizimi tolyqtai usynylmaǵandyqtan oǵan ruqsat berilmedi», - delingen aqparatta.
Qazirgi ýaqytta er adamǵa qatysty QR Qylmystyq Kodeksiniń 340-baby boiynsha iz qozǵaldy. Tergeý amaldary jalǵasýda.
