سەمەي قالاسىندا اۆتوتۇراق سالماق بولعان كەسٸپكەر 17 اعاشتى زاڭسىز كەسكەن, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 1 قىركٷيەكتە جانارماي قۇيۋ بەكەتٸنٸڭ جانىندا 51 جاستاعى ەر ادام 17 تەرەكتٸ زاڭسىز كەسكەن. انىقتالعانداي, كەسٸپكەر قالالىق تۇرعىن ٷي-كوممۋنالدىق شارۋاشىلىعى بٶلٸمٸنەن ەشقانداي رۇقسات الماسا دا, سول جەرگە اۆتوتۇراق سالماق بولدى.
«اتالعان ازامات 2021 جىلدىڭ 18 ماۋسىمىندا تٷكش بٶلٸمٸنە بوزتاەۆ كٶشەسٸندەگٸ عيمارات ماڭىنداعى 17 اعاشتى كەسۋگە رۇقسات بەرۋ تۋرالى ٶتٸنٸش جازعان. الايدا 23 ماۋسىمداعى جاۋاپتا «E.license« پورتالىندا كٶرسەتٸلگەن قاجەتتٸ قۇجاتتار تٸزٸمٸ تولىقتاي ۇسىنىلماعاندىقتان وعان رۇقسات بەرٸلمەدٸ», - دەلٸنگەن اقپاراتتا.
قازٸرگٸ ۋاقىتتا ەر ادامعا قاتىستى قر قىلمىستىق كودەكسٸنٸڭ 340-بابى بويىنشا ٸز قوزعالدى. تەرگەۋ امالدارى جالعاسۋدا.
