Almatyda mýzyka men kreativti indýstriiany damytýǵa arnalǵan Almaty Studios shyǵarmashylyq keńistigi ashylady, dep habarlaidy ult.kz.
Joba qala ákimdiginiń qoldaýymen júzege asyrylady. Onyń bastamashysy – A’Studio tobynyń jetekshisi, mýzykant ári kompozitor Baiǵali Serkebaev.
Almaty Studios kesheninde dybys jazý stýdiiasy, daiyndyq zaly, oqý synyptary, túsirilim pavilony jáne 100 kórermenge arnalǵan kontsert zaly bolady.
Munda mýzyka jazýǵa, daiyndyq ótkizýge, beine túsirýge, kontsertter, sheberlik dáristeri men shyǵarmashylyq kezdesýler uiymdastyrýǵa múmkindik bar.
Jańa keńistik óner jolyn endi bastaǵan mýzykanttar men kásibi ónerpazdarǵa arnalǵan. Olar munda tájiribe almasyp, pikirles adamdarmen tanysyp, birlesken jobalardy júzege asyra alady.
Sonymen qatar Almaty Studios bazasynda mádeni jáne oqiǵalyq týrizmdi damytýǵa baǵyttalǵan is-sharalar ótkizý josparlanyp otyr.
