2017 jyl Semei qalasy úshin erekshe tarihi oqiǵalarmen bailanysty bolyp otyr. Bul jóninde qala ákimi Ermak Sálimovtyń qatysýymen ótken jiynda talqylandy, dep habarlaidy altaynews.kz.
Mádeniet jáne tilderdi damytý bóliminiń aqparatynsha, byltyr QR Mádeniet jáne sport ministrligi Alashtyń 100 jyldyǵyn qalai toilaý kerektigi jóninde respýblikalyq joba qabyldaǵan eken. Semeide osy joba arqyly barlyq josparlanǵan sharalar júzege asatyn boldy. Atap aitqanda, Álihan Bókeihanovqa arnalǵan eskertkishtiń resmi ashylýy, ekinshi másele, Shákárim atyndaǵy memlekettik ýniversitette ǵylymi-tájirbielik konferentsiianyń ótkizilýi, úshinshisi, Alash qairatkerlerine arnalǵan jańa ekspoziiatsiialyq kórme zalynyń Abai mýzeiiniń bóliminde saltanatty túrde tusaýy kesilmek.
— Álihan Bókeihanovqa arnalǵan eskertkishtiń avtory Bahytbek Muhamedjanov,-dedi mádeniet jáne tilderdi damytý bóliminiń bastyǵy Nazerke Aqqojina,-jergilikti biýdjetten 31 mln 987 myń teńge bólindi. Mamyr aiynda ótkizgen jinalysymyzda balalar saiabaǵy men Jeńis skveri arasyndaǵy oryn tańdalynyp alynǵan edi. 22 qyrkúiek kúni Álihan eskertkishin ashamyz dep otyrmyz. Qazir orny daiyndalyp jatyr.
Sondai-aq, Abai mýzeii, Abai kitaphanasy da qonaqtardy kútip alýǵa qamdalyp otyr. Qyrkúiektiń sońyna qarai, Muhtar Áýezovtyń 120 jyldyǵy, Áset Naimanbaevtyń 150 jyldyǵy jáne Semei qalasynyń úsh ǵasyrlyq mereitoiy da atalyp ótilmek. Osyǵan orai qala kóriktendirilip, kitap jáne fotosýretter kórmesi, kontsert alańdary uiymdastyrylatyn boldy.
