Abaidyń «Jidebai-Bórili» memlekettik tarihi-mádeni jáne ádebi-memorialdyq qoryq-mýzeiinde ustaz, aqyn Ahat Shákárimulynyń shyǵarmalar jinaǵynyń tanystyrylymy ótti, dep habarlaidy "Ult aqparat".
Mýzeidiń ǵylymi kontseptsiiasynyń jeti baǵytynyń biri kontseptýaldy baǵyt dep atalady. Osy kontseptýaldy baǵyt aiasynda Abai mýzeiine tikelei qatysy bar tulǵalardyń murasyn qorda bar derektermen tolyqtyryp shyǵarý jáne monografiialar men ǵylymi zertteýler jazý josparlanǵan bolatyn. Mine, osy baǵyt boiynsha Ahat Shákárimuly shyǵarmalarynyń bir tomdyq jinaǵy jaryq kórdi.
«Bul jinaq negizinen Ahat Shákárimulynyń zaiyby Bátima Jakenovanyń Abai mýzeiine ótkizgen materialdary negizinde daiyndaldy. Jinaqta aqynnyń óleńderi men poemalary jáne estelikteri berilgen. Ahat Shákárimuly poeziiasynyń janrlyq turǵyda da tynysy keń. Ony aqyn óleńderiniń taqyryptyq-mazmundyq moldyǵy, poemalarynyń epikalyq aýqymy kórsetedi. Sonymen qatar Ahat aqsaqaldyń estelikteri hakim Abai, danyshpan Shákárim jáne Abaidyń aqyndyq mektebiniń iri ókilderiniń ómiri men shyǵarmashylyǵyna shynaiy sáýle túsiretin tereń tarihi mazmunymen de ózgeshelenedi», - dedi mýzei direktory Turdyqul Shańbai.
Kitaptyń tusaýkeser rásimine Semei qalasynyń mádeniet jáne tilderdi damytý bóliminiń basshysy Nazerke Aqqojina, tarihi-ólketaný mýzeiiniń direktory Qairat Sabyrbaev, Qazaqstan Jazýshylar odaǵy Semei óńiri filialynyń tóraǵasy Merei Qart qatysty.
Aita keteiik, 448 betten turatyn kitap «Járdem» baspasynda jaryq kórgen.
