ابايدىڭ «جيدەباي-بٶرٸلٸ» مەملەكەتتٸك تاريحي-مەدەني جەنە ەدەبي-مەموريالدىق قورىق-مۋزەيٸندە ۇستاز, اقىن احات شەكەرٸمۇلىنىڭ شىعارمالار جيناعىنىڭ تانىستىرىلىمى ٶتتٸ, دەپ حابارلايدى "ۇلت اقپارات".
مۋزەيدٸڭ عىلىمي كونتسەپتسيياسىنىڭ جەتٸ باعىتىنىڭ بٸرٸ كونتسەپتۋالدى باعىت دەپ اتالادى. وسى كونتسەپتۋالدى باعىت اياسىندا اباي مۋزەيٸنە تٸكەلەي قاتىسى بار تۇلعالاردىڭ مۇراسىن قوردا بار دەرەكتەرمەن تولىقتىرىپ شىعارۋ جەنە مونوگرافييالار مەن عىلىمي زەرتتەۋلەر جازۋ جوسپارلانعان بولاتىن. مٸنە, وسى باعىت بويىنشا احات شەكەرٸمۇلى شىعارمالارىنىڭ بٸر تومدىق جيناعى جارىق كٶردٸ.
«بۇل جيناق نەگٸزٸنەن احات شەكەرٸمۇلىنىڭ زايىبى بەتيما جاكەنوۆانىڭ اباي مۋزەيٸنە ٶتكٸزگەن ماتەريالدارى نەگٸزٸندە دايىندالدى. جيناقتا اقىننىڭ ٶلەڭدەرٸ مەن پوەمالارى جەنە ەستەلٸكتەرٸ بەرٸلگەن. احات شەكەرٸمۇلى پوەزيياسىنىڭ جانرلىق تۇرعىدا دا تىنىسى كەڭ. ونى اقىن ٶلەڭدەرٸنٸڭ تاقىرىپتىق-مازمۇندىق مولدىعى, پوەمالارىنىڭ ەپيكالىق اۋقىمى كٶرسەتەدٸ. سونىمەن قاتار احات اقساقالدىڭ ەستەلٸكتەرٸ حاكٸم اباي, دانىشپان شەكەرٸم جەنە ابايدىڭ اقىندىق مەكتەبٸنٸڭ ٸرٸ ٶكٸلدەرٸنٸڭ ٶمٸرٸ مەن شىعارماشىلىعىنا شىنايى سەۋلە تٷسٸرەتٸن تەرەڭ تاريحي مازمۇنىمەن دە ٶزگەشەلەنەدٸ», - دەدٸ مۋزەي ديرەكتورى تۇردىقۇل شاڭباي.
كٸتاپتىڭ تۇساۋكەسەر رەسٸمٸنە سەمەي قالاسىنىڭ مەدەنيەت جەنە تٸلدەردٸ دامىتۋ بٶلٸمٸنٸڭ باسشىسى نازەركە اققوجينا, تاريحي-ٶلكەتانۋ مۋزەيٸنٸڭ ديرەكتورى قايرات سابىرباەۆ, قازاقستان جازۋشىلار وداعى سەمەي ٶڭٸرٸ فيليالىنىڭ تٶراعاسى مەرەي قارت قاتىستى.
ايتا كەتەيٸك, 448 بەتتەن تۇراتىن كٸتاپ «جەردەم» باسپاسىندا جارىق كٶرگەن.
