ShQO ákimi Danial Ahmetov Semei qalasyna jumys saparymen baryp, Abaidyń 175 jyldyǵyna daiyndyq barysymen tanysty, - dep habarlaidy "Ult aqparat".
Búginde Abai atyndaǵy alańda aýqymdy jóndeý jumystary bastalyp ketken. Alańnyń beinesi tolyqtai ózgermek. Joba boiynsha jiektastardy jańartý, aqyn qurmetine orai qoiylǵan eskertkishti jaryqtandyrý qarastyrylǵan. Sport jáne balalar alańdary, avtokólikterge arnalǵan turaq, sýburqaq salynady. Merdiger «Firma Aziia» JShS barlyq jumystar shilde aiyna deiin aiaqtalatynyn ýáde etti.
Danial Ahmetov Abai teatryndaǵy jóndeý jumystarynyń barysymen de tanysty. Oǵan teatr men kórermen zalynyń syrtqy bezendirilýine arnalǵan jobalar kórsetildi. Mereitoi aiasynda Abai mýzeiin rekonstrýktsiialaý jumystary da júrgizilmek. Sondai-aq aqynnyń uldarymen turǵan eskertkishi ornatylady.
«Alǵash ret Abaidy uldarynyń ortasynda kórsetkimiz keledi. Olar ózderiniń uly ákelerine súiispenshilikpen jáne rizashylyqpen qarap turmaq. Mundai eskertkish esh jerde joq. Biz árqashan da Abaiǵa aqyn, oishyl retinde qaraimyz. Al bul jerde hakimdi qamqor áke retinde kórsetemiz», - dedi Danial Ahmetov.
ShQO ákimi oishyldyń mereitoiyna arnalǵan sharalardy laiyqty deńgeide ótkizý kerektigin aityp, jumysqa jaýapkershilikpen qaraýdy tapsyrdy.
