Semei qalasyndaǵy zaǵip jáne nashar kóretin azamattarǵa arnalǵan kitaphanada «Uly Abaiǵa adaldyq» atty aýdiogid formatyndaǵy kitap kórmesi ashyldy, dep habarlaidy "Ult aqparat".
Kórmege tek Abai shyǵarmalary ǵana emes, uly oishyl týraly maqalalar jazylǵan eski jáne jańa gazet-jýrnaldar, kitaptar, sondai-aq aqyn týyndylarynyń aýdarmalary usynylǵan. Ashylý saltanaty barysynda qalalyq mádeniet jáne tilderdi damytý bóliminiń basshysy Nazerke Aqqojina bul sharanyń basty maqsaty – oqyrmanǵa hákimniń ómiri men shyǵarmashylyǵyn tanystyrý ekendigin atap ótti.
«Múmkindigi shekteýli jandardy rýhani turǵyda baiytý maqsatynda bul kitaphana men qalalyq Mádeniet úii arasynda yntymaqtastyq týraly memorandým jasaldy. Osynyń nátijesinde memlekettik jáne orys tilderindegi ádebietter CD-diskilerde jaryq kórip, kitaphana qory tolyǵa túspek», - deidi ol.
