Semei qalasynda «Abai joly» jaiaý júrginshiler kóshesiniń qurylysy aiaqtaldy, dep habarlaidy "Ult aqparat".
Bul – Almaty oblysynyń Semeige Abaidyń 175 jyldyq mereitoiyna orai tartýy. Jaiaý júrginshiler kóshesiniń qurylysy maýsym aiynda bastalǵan. Ol Áýezov dańǵyly men Selevin kóshesi qiylysynan bastap, et kombinatyna deiingi aralyqty qamtidy. Jalpy uzyndyǵy 2 100 metrdi quraidy.
Kóshe boiyna tas tóseýish tóselip, oryndyqtar, balalar jáne sport alańdary ornatylǵan. Jaryqtandyrý júrgizilip, eki myń aǵash otyrǵyzyldy. Sonymen qatar jobaǵa uzyndyǵy 1600 metrdi quraityn velojol engizilgen, ol temir joldan bastalyp et kombinaty mańynda aiaqtalady. Budan bólek, kóshe boiyna Abaidyń naqyl sózderi jazylǵan jeti stella ornalastyrylǵan.
«Búgingi tańda jumys aiaqtalyp qaldy. Almaty oblysynan geodezister kelip topografiialyq túsirilim júrgizýde. Nysandy qabyldap alý toby keldi. Odan keiin ony turǵyn-úi kommýnaldyq sharýashylyq departamentine ótkizedi. Bul – Almaty oblysynyń Abaidyń 175 jyldyǵyna orai syilyǵy, - dep atap ótti óndiristik jumys jetekshisi Rafail Hazipov.
Aita keteiik, atalǵan joba quny – 600 mln teńge.
