Semei qalasynda Abai atyndaǵy kitaphanada aqyn Abaidyń 175 jyldyǵyna arnalǵan kitap kórmesi ótti, dep habarlaidy "Ult aqparat" qalanyń aqparattyq ortalyǵyna silteme jasap.
«Abai murasy - adamzattyń baǵa jetpes qazynasy» ataýmen ótken kórmege kelshiler Abai murasynan shyqqan sirek kitaptarmen tanysty.
«Biz osy shara arqyly oqyrmandarǵa Abai álemin ashyp otyrmyz. Abai qandai kitaptar oqydy, Abai týraly ne jazyldy, osynyń bári bizdiń búgingi kórmede aitylyp otyr», - deidi Abai atyndaǵy kitaphananyń aqparattyq-bibliografiialyq qamtamasyz etý bóliminiń jetekshisi Jańagúl Myńjybaeva.
Kórme 5 bólimnen turady: Abai oqyǵan kitaptar; sirek basylymdar betterindegi Abai; ólketaný tarihyndaǵy Abai dáýiri; Abai murasy – adamzattyń baǵa jetpes qazynasy jáne Abai shyǵarmalarynyń aýdarmalary.
Bul jerde Abaidyń eńbekteri ǵana emes, sonymen qatar ol týraly kitaptar men onyń shyǵarmalarynyń aýdarmalary da jinaqtalǵan.
Mysaly Abaidyń eńbekteri munda ózbek, madiar jáne qytai tilderinde usynylǵan.
Sirek basylymdardyń ishinde Semei Orys geografiialyq qoǵamy bóliminiń jazbalary men esepteri, túrli jyldardaǵy estelik kitapshalar men aýyl sharýashylyq sholýy qoiylǵan.
Kórme Semei qalasy men Abai kitaphanasynyń tarihymen, qalanyń alǵashqy ólketaný mekemeleriniń qyzmetimen jáne osynda jer aýdarylǵandardyń jumystarymen tanystyrady.
Sondai-aq kórmede V.Belosliýdovtyń «Etnografiia týraly materialdar», N. Konshinniń «Qyrǵyz shubaryna eskertý», «Semei oblysyna aýylsharýashylyq sholýy», «Semei oblysynyń memorialdy kitaby», «Semei aimaqtyq málimdemeleri» jáne elimizdiń tarihyna arnalǵan basqa da erekshe basylymdar usynylǵan.
Olardyń betterinde osy mekemelerdiń qyzmeti jáne Abaidyń qoǵamdyq qyzmeti týraly málimetter jinalǵan.
