Semei qalasynda Nevzorovtar otbasy atyndaǵy beineleý óneri mýzeiinde Abaidyń 175 jyldyǵyna arnalǵan «Taý men dala áýeni» atty halyqaralyq kórme ashyldy, dep habarlaidy "Ult aqparat".
Kórmege 60-tan astam keskindeme, grafika jáne sándik-qoldanbaly óner týyndylary qoiylǵan. Olardyń avtorlary Nur-Sultan, Almaty, Shýchinsk qalalary men Ońtústik Koreianyń tanymal sýretshileri. Ekspozitsiiada peizajdar, qala kórinisteri, natiýrmorttar, ulttyq taqyryptaǵy siýjettik kartinalar usynylǵan. Sýretterden basqa munda qolónershiler jasaǵan ulttyq sáýkeleler de bar.
«Kórmege qazaqstandyq jáne shetelden kelgen 15 sýretshi qatysýda. Sýretter ártúrli tehnikada jasalǵan. Osyǵan deiin bul kórmeni Nur-Sultan, Parij, London, Briýssel qalalarynda ótkizdik.Sheteldikter kórmeni óte jaqsy qarsy aldy. Qazaqstan olar úshin ekzotikalyq el bolǵandyqtan, ulttyq stilde jasalǵan týyndylarǵa qyzyǵýshylyq tanytty, - deidi kórme kýratory Bibigúl Smaqova.
