Semei qalasynda «Abai álemi» kitaptar toptamasynyń tusaýkeseri ótti, dep habarlaidy "Ult aqparat".
Abai atyndaǵy kitaphanada «Abai álemi» kitaptar toptamasynyń onlain tusaýkeseri ótti. Biylǵy toptamaǵa qazaq, orys jáne aǵylshyn tilderindegi 22 kitap enip otyr. Kitaptar oqyrmandardy tek Abaidyń shyǵarmalarymen ǵana tanystyryp qoimai, sonymen qatar onyń balalarynyń jáne izbasarlarynyń eńbekterimen de sýsyndatady.
«Abai álemi» kitaptar toptamasy osymen úshinshi ret jaryq kórdi. 2020 jyl uly aqynnyń 175 jyldyǵymen tuspa-tus kelgendikten osy kitaptar toptamasynyń jaryq kórýi aitýly merekege arnalǵan. Kez kelgen oqyrman ózine qyzyqty ári paidaly eńbekterdi taba alady», – deidi Abai atyndaǵy kitaphananyń bólim jetekshisi Rahilia Adikaeva.
Onyń aitýynsha, Abaidyń 1909 jyly alǵash shyqqan kitaby qazaq tiline aýdarylǵan arab grafikasynda qaita basyldy. Sondai-aq toptamadan hakim otbasynyń tarihy týraly kitapty da tabýǵa bolady.
