Video kadry: Abai oblysy PD
Abai oblysynyń politsiiasy joǵary synyp oqýshylary 6-synyp oqýshysyn soqqyǵa jyqqan oqiǵa boiynsha qylmystyq is qozǵady. Zardap shekken balamen psiholog jumys istep jatyr, - dep habarlaidy Tengrinews.kz.
Politsiia málimetinshe, oqiǵaǵa qatysýshylar anyqtalyp, ata-analarymen birge politsiia bólimine jetkizilgen.
"Jasóspirimder politsiia bóliminiń esebine qoiylady. Olardyń tártibin kámeletke tolmaǵandardyń quqyqtaryn qorǵaý jónindegi oblystyq komissiia qaraidy. Ata-analar balalarynyń tárbiesi boiynsha mindetterin tiisinshe oryndamaǵany úshin jaýapkershilikke tartylady", - dep jazylǵan habarlamada.
Jábirlenýshi jasóspirimge erekshe nazar aýdarylǵan, ol arnaiy ortalyqta mamandardyń baqylaýynda.
"Bilikti mamandar jasóspirimniń psihologiialyq jaǵdaiyn qalpyna keltirý úshin jumys istep jatyr. Oqiǵaǵa qatysy bar jasóspirimderge tiisti sharalar qoldanylady. Búgin kámeletke tolmaǵandardyń quqyqtaryn qorǵaý jónindegi oblystyq komissiia otyrysy ótedi, onda árbir qatysýshynyń áreketi jeke qaralyp, qajet sheshimder qabyldanady", - dep jazylǵan habarlamada.
