Qazaqstannyń Ekologiia, geologiia jəne tabiǵi resýrstar ministrligi men «Qazatomprom» UAK» AQ radioaktivtik qaldyqtardy kómý jónindegi jobany iske asyrady, dep habarlaidy "Ult aqparat" ministrliktiń baspasóz qyzmetine silteme jasap.
Qazaqstannyń Ekologiia, geologiia jəne tabiǵi resýrstar ministrligi men «Qazatomprom» UAK» AQ qorshaǵan ortany qorǵaý salasyndaǵy memorandýmdy bekitti.
Qujatta kelisilgen jobalardyń qatarynda qatty radioaktivtik qaldyqtardy kómý jónindegi jobany iske asyrý bar.
«Qazatomprommen ulttyq kompaniia jumys isteitin óńirlerdegi qorshaǵan ortany jaqsartýdyń birqatar sharalaryn iske asyrýǵa sóz bailasyp, tiisti qujatqa qol qoidyq. Atap aitqanda, burynǵy Semei iadrolyq synaq poligonynyń aýmaǵynda «ÚMZ» AQ qatty radiaktivtik qaldyqtardy kómý jobasy iske asyrylady», - dedi Ekologiia, geologiia jəne tabiǵi resýrstar ministri Maǵzum Myrzaǵaliev Twitter-degi paraqshasynda.
Ministrdiń pikirinshe, bul radioaktivtik qaldyqtardyń qorshaǵan ortaǵa jəne turǵyndarǵa qandai da bir əser etýin barynsha boldyrmaidy.
Kelisim sheńberinde, sondai-aq, ulttyq kompaniia kəsiporyndarynda ozyq qoljetimdi tehnologiialardy odan əri engizý úshin tehnikalyq aýdit ótkiziledi.
«Kompaniianyń jańa Ekologiialyq kodeks jobasyndaǵy tiisti zańnamalyq normalar qabyldaǵanǵa deiin, qorshaǵan ortaǵa zardapty azaitýǵa múmkindik beretin zamanaýi tehnologiialardy óndiriske engizýdi kózdeýi qýantady», - dep atap ótti ol. M.Myrzaǵalievtiń aitýynsha, Kodeks qabyldanǵannan keiin, 2,2 myńnan asa kəsiporyn osy tektes tehnikalyq aýditten ótkizilip, ozyq qoljetimdi tehnologiiany engizýi tiis.
