قازاقستاننىڭ ەكولوگييا, گەولوگييا جəنە تابيعي رەسۋرستار مينيسترلٸگٸ مەن «قازاتومپروم» ۇاك» اق راديواكتيۆتٸك قالدىقتاردى كٶمۋ جٶنٸندەگٸ جوبانى ٸسكە اسىرادى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
قازاقستاننىڭ ەكولوگييا, گەولوگييا جəنە تابيعي رەسۋرستار مينيسترلٸگٸ مەن «قازاتومپروم» ۇاك» اق قورشاعان ورتانى قورعاۋ سالاسىنداعى مەموراندۋمدى بەكٸتتٸ.
قۇجاتتا كەلٸسٸلگەن جوبالاردىڭ قاتارىندا قاتتى راديواكتيۆتٸك قالدىقتاردى كٶمۋ جٶنٸندەگٸ جوبانى ٸسكە اسىرۋ بار.
«قازاتومپروممەن ۇلتتىق كومپانييا جۇمىس ٸستەيتٸن ٶڭٸرلەردەگٸ قورشاعان ورتانى جاقسارتۋدىڭ بٸرقاتار شارالارىن ٸسكە اسىرۋعا سٶز بايلاسىپ, تيٸستٸ قۇجاتقا قول قويدىق. اتاپ ايتقاندا, بۇرىنعى سەمەي يادرولىق سىناق پوليگونىنىڭ اۋماعىندا «ٷمز» اق قاتتى رادياكتيۆتٸك قالدىقتاردى كٶمۋ جوباسى ٸسكە اسىرىلادى», - دەدٸ ەكولوگييا, گەولوگييا جəنە تابيعي رەسۋرستار مينيسترٸ ماعزۇم مىرزاعاليەۆ Twitter-دەگٸ پاراقشاسىندا.
مينيستردٸڭ پٸكٸرٸنشە, بۇل راديواكتيۆتٸك قالدىقتاردىڭ قورشاعان ورتاعا جəنە تۇرعىندارعا قانداي دا بٸر əسەر ەتۋٸن بارىنشا بولدىرمايدى.
كەلٸسٸم شەڭبەرٸندە, سونداي-اق, ۇلتتىق كومپانييا كəسٸپورىندارىندا وزىق قولجەتٸمدٸ تەحنولوگييالاردى ودان əرٸ ەنگٸزۋ ٷشٸن تەحنيكالىق اۋديت ٶتكٸزٸلەدٸ.
«كومپانييانىڭ جاڭا ەكولوگييالىق كودەكس جوباسىنداعى تيٸستٸ زاڭنامالىق نورمالار قابىلداعانعا دەيٸن, قورشاعان ورتاعا زارداپتى ازايتۋعا مٷمكٸندٸك بەرەتٸن زاماناۋي تەحنولوگييالاردى ٶندٸرٸسكە ەنگٸزۋدٸ كٶزدەۋٸ قۋانتادى», - دەپ اتاپ ٶتتٸ ول. م.مىرزاعاليەۆتٸڭ ايتۋىنشا, كودەكس قابىلدانعاننان كەيٸن, 2,2 مىڭنان اسا كəسٸپورىن وسى تەكتەس تەحنيكالىق اۋديتتەن ٶتكٸزٸلٸپ, وزىق قولجەتٸمدٸ تەحنولوگييانى ەنگٸزۋٸ تيٸس.
