ShQO ákimi Danial Ahmetovtyń ókimimen Semei qalasynyń ákimi qyzmetine Nurymbet Saqtaǵanov taǵaiyndaldy, dep habarlaidy «Ult aqparat».
Nurymbet Amanuly 1970 jyly 6 tamyzda Ońtústik Qazaqstan oblysynda dúniege kelgen.
Qyzylorda pedagogikalyq institýtyn, Qyzylorda agrarlyq-tehnikalyq kolledjin, MESA distantsiialyq bilim berý institýtyn, MESA Qyzylorda ekonomika, statistika jáne aqparat institýtyn muǵalim, býhgalter, zańger mamandyqtary boiynsha támamdaǵan.
Eńbek jolyn institýt bitirgennen keiin 1992 jyly Qyzylordadaǵy №172 orta mektepte muǵalim bolyp bastady.
1993-1994 jyldary QR QK qatarynda bolyp, áskerden keiin Qyzylordadaǵy №9 orta mektepte jumysyn jalǵastyrdy.
1995-2001 jyldary Qyzylorda oblysy boiynsha keden basqarmasynyń inspektory, aǵa inspektory, bas inspektory, bólim bastyǵy, bólim bastyǵynyń orynbasary bolyp jumys istedi.
2001-2006 jyldary keden komitetinde bas inspektor, tóraǵanyń kómekshisi, bólim bastyǵy boldy.
2006-2007 jyldary QR Parlamentindegi Úkimet ókildiginiń bas inspektory, Ekonomika jáne biýdjettik josparlaý ministrliginde bólim bastyǵy, ministrdiń keńesshisi qyzmetterin atqardy.
2007-2010 jyldary Eńbek jáne halyqty áleýmettik qorǵaý ministrliginiń kóshi-qon komiteti tóraǵasynyń orynbasary boldy.
2010-2012 jyldary Qazaqstan Respýblikasy Prezidenti Ákimshiliginiń memlekettik baqylaý jáne aýmaqtyq-uiymdastyrý jumysy bóliminiń memlekettik inspektory, al 2012-2015 jyldary Shyǵys Qazaqstan oblysy ákiminiń orynbasary qyzmetin atqardy.
2015-2018 jyldary ShQO ákiminiń birinshi orynbasary boldy.
2018 jyldan bastap qazirgi ýaqytqa deiin Ulan aýdanynyń ákimi laýazymyn atqarǵan.
