Petropavl qalasynda Resei Federatsiiasynan ákelingen qaraǵai súreginen daiyndalǵan aǵash materialdarynan qaýipti karantindik ziiankes – kishi qara shyrsha murtty qońyzy (Monochamus sutor L.) anyqtaldy, dep habarlaidy ult.kz.
Ónimniń jalpy kólemi 33 tekshe metrdi qurady. Qaýipti ziiankes ósimdikter karantini jónindegi memlekettik inspektorlar júrgizgen fitosanitariialyq baqylaý barysynda belgili bolǵan.
Zalaldaný faktisi "Fitosanitariia" ShJQ RMK júrgizgen karantindik fitosanitariialyq saraptama qorytyndysymen rastaldy.
Atalǵan derekke bailanysty ósimdikter karantini salasyndaǵy zańnama talaptaryn buzǵan jeke kásipkerge qatysty Ákimshilik quqyq buzýshylyq týraly kodekstiń 400-babynyń 2-bóligi boiynsha ákimshilik hattama toltyrylyp, zań buzýshylyqtardy joiý jóninde nusqama berildi.
Keiin sot qaýlysymen kásipker ákimshilik jaýapkershilikke tartylyp, oǵan aiyppul salyndy. Al karantindik talaptarǵa sai kelmegen aǵash ónimderi tolyqtai joiyldy.
