پەتروپاۆل قالاسىندا رەسەي فەدەراتسيياسىنان ەكەلٸنگەن قاراعاي سٷرەگٸنەن دايىندالعان اعاش ماتەريالدارىنان قاۋٸپتٸ كارانتيندٸك زييانكەس – كٸشٸ قارا شىرشا مۇرتتى قوڭىزى (Monochamus sutor L.) انىقتالدى, دەپ حابارلايدى ult.kz.
ٶنٸمنٸڭ جالپى كٶلەمٸ 33 تەكشە مەتردٸ قۇرادى. قاۋٸپتٸ زييانكەس ٶسٸمدٸكتەر كارانتينٸ جٶنٸندەگٸ مەملەكەتتٸك ينسپەكتورلار جٷرگٸزگەن فيتوسانيتارييالىق باقىلاۋ بارىسىندا بەلگٸلٸ بولعان.
زالالدانۋ فاكتٸسٸ "فيتوسانيتارييا" شجق رمك جٷرگٸزگەن كارانتيندٸك فيتوسانيتارييالىق ساراپتاما قورىتىندىسىمەن راستالدى.
اتالعان دەرەككە بايلانىستى ٶسٸمدٸكتەر كارانتينٸ سالاسىنداعى زاڭناما تالاپتارىن بۇزعان جەكە كەسٸپكەرگە قاتىستى ەكٸمشٸلٸك قۇقىق بۇزۋشىلىق تۋرالى كودەكستٸڭ 400-بابىنىڭ 2-بٶلٸگٸ بويىنشا ەكٸمشٸلٸك حاتتاما تولتىرىلىپ, زاڭ بۇزۋشىلىقتاردى جويۋ جٶنٸندە نۇسقاما بەرٸلدٸ.
كەيٸن سوت قاۋلىسىمەن كەسٸپكەر ەكٸمشٸلٸك جاۋاپكەرشٸلٸككە تارتىلىپ, وعان ايىپپۇل سالىندى. ال كارانتيندٸك تالاپتارعا ساي كەلمەگەن اعاش ٶنٸمدەرٸ تولىقتاي جويىلدى.
