Qazaqstannyń Ózbekstanmen shekarasynda júk kólikteriniń júrgizýshilerinen aqsha bopsalaýmen ainalysqan qylmystyq toptyń áreketi áshkerelendi. Tergeý barysynda zańsyz deldaldyq arqyly túsken qarajattyń bir bóligi memlekettik organnyń laýazymdy tulǵalaryna para retinde berilgeni anyqtalǵan, dep habarlaidy ult.kz.
Túrkistan oblysy prokýratýrasynyń málimetinshe, qylmystyq top shekara mańynda júrgizýshilerden túrli syltaýmen aqsha bopsalap kelgen.
Tergeý barysynda zańsyz deldaldyq qyzmetten túsken qarajattyń bir bóligi memlekettik qyzmetkerlerge para retinde berilip otyrǵany belgili bolǵan.
Qazirgi ýaqytta atalǵan qylmystyq shemaǵa qatysy bar 23 adamnyń jeke basy anyqtaldy. Olardyń beseýi qamaýǵa alynyp, sotqa deiingi tergeý amaldary jalǵasyp jatyr.
Sonymen qatar quqyq qorǵaý organdary Túrkistan oblysynda Qyrǵyzstannan temeki ónimderin kontrabandalyq jolmen jetkizý arnasynyń jolyn kesti. Jedel is-sharalar kezinde jalpy quny 103 million teńgeniń temeki ónimderi tárkilendi.
Budan bólek, jalǵan kásipkerlik sýbektileri arqyly shamamen 200 milliard teńgeni alys jáne jaqyn shetelderge zańsyz shyǵarýǵa qatysty derek anyqtaldy. Atalǵan faktiler boiynsha sotqa deiingi tergeý júrgizilip jatyr.
