12 maýsymda Túrkistan oblysynda Ulttyq qaýipsizdik komiteti politsiia qyzmetkerlerimen birlesip, prokýratýranyń úilestirýimen shekaradaǵy zańsyz deldaldyqpen ainalysqan qylmystyq toptyń qyzmetin toqtatty, dep habarlaidy ult.kz.
Tergeý derekterine sáikes, kúdiktiler aýyr júk kólikteriniń júrgizýshilerine memlekettik shekaradan ótý kezinde kedendik rásimderdi jedeldetip ótkizý úshin zańsyz deldaldyq qyzmet kórsetken.
Jinalǵan materialdar negizinde 17 adamǵa qatysty sotqa deiingi tergeý bastaldy. Olardyń beseýi ýaqytsha ustaý izoliatoryna qamaldy.
Tintý kezinde 5 birlik atys jáne pnevmatikalyq qarý, iri kólemdegi aqsha qarajaty jáne ózge de zattai dáleldemeler tárkilendi.
Qylmystyq-protsestik kodekstiń 201-babynyń 1-bóligine sáikes tergeý múddesine bailanysty ózge aqparat jariia etilmeidi.
