Mańǵystaý oblysyndaǵy «Quryq» keden beketinde zergerlik buiymdardy zańsyz ótkizý áreketiniń joly kesildi, dep habarlaidy ult.kz.
Lada.kz jazýynsha, oqiǵa «Zarifa Alieva» teńiz kemesine kirý kezinde tirkelgen. Shekaralyq baqylaýdan ótip bara jatqan 62 jastaǵy Qazaqstan azamatynyń minez-qulqy keden qyzmetkerleriniń kúdigin týdyrǵan. Áieldiń qozǵalysy baiaýlap, ózin jaisyz ustaýy tekserýge sebep bolǵan.
Kúdikti azamatshaǵa keden jáne shekara qyzmeti, ekonomikalyq tergeý departamenti men kólik prokýratýrasy birlesip tekserý júrgizdi.
Memlekettik kirister organdarynyń málimetinshe, tekserý barysynda onyń denesine jasyrylǵan 34 zergerlik buiym anyqtalǵan. Onyń ishinde saqina, syrǵa jáne bilezik túrindegi áshekeiler bar.
Qazirgi ýaqytta atalǵan fakti boiynsha tergeý amaldary júrgizilýde.
Vedomstvo mundai tásilder keden zańnamasyn buzyp qana qoimai, adamnyń densaýlyǵyna da asa qaýipti ekenin eskertti.
