ماڭعىستاۋ وبلىسىنداعى «قۇرىق» كەدەن بەكەتٸندە زەرگەرلٸك بۇيىمداردى زاڭسىز ٶتكٸزۋ ەرەكەتٸنٸڭ جولى كەسٸلدٸ, دەپ حابارلايدى ult.kz.
Lada.kz جازۋىنشا, وقيعا «زاريفا اليەۆا» تەڭٸز كەمەسٸنە كٸرۋ كەزٸندە تٸركەلگەن. شەكارالىق باقىلاۋدان ٶتٸپ بارا جاتقان 62 جاستاعى قازاقستان ازاماتىنىڭ مٸنەز-قۇلقى كەدەن قىزمەتكەرلەرٸنٸڭ كٷدٸگٸن تۋدىرعان. ەيەلدٸڭ قوزعالىسى باياۋلاپ, ٶزٸن جايسىز ۇستاۋى تەكسەرۋگە سەبەپ بولعان.
كٷدٸكتٸ ازاماتشاعا كەدەن جەنە شەكارا قىزمەتٸ, ەكونوميكالىق تەرگەۋ دەپارتامەنتٸ مەن كٶلٸك پروكۋراتۋراسى بٸرلەسٸپ تەكسەرۋ جٷرگٸزدٸ.
مەملەكەتتٸك كٸرٸستەر ورگاندارىنىڭ مەلٸمەتٸنشە, تەكسەرۋ بارىسىندا ونىڭ دەنەسٸنە جاسىرىلعان 34 زەرگەرلٸك بۇيىم انىقتالعان. ونىڭ ٸشٸندە ساقينا, سىرعا جەنە بٸلەزٸك تٷرٸندەگٸ ەشەكەيلەر بار.
قازٸرگٸ ۋاقىتتا اتالعان فاكتٸ بويىنشا تەرگەۋ امالدارى جٷرگٸزٸلۋدە.
ۆەدومستۆو مۇنداي تەسٸلدەر كەدەن زاڭناماسىن بۇزىپ قانا قويماي, ادامنىڭ دەنساۋلىعىنا دا اسا قاۋٸپتٸ ەكەنٸن ەسكەرتتٸ.
