QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Sberbankpen aradaǵy tsifrlyq platformanyń ornyna otandyq joba iske asyrylýy múmkin ekenin aitty, dep habarlaidy QazAqparat.
Búgin Májilistiń jalpy otyrysynan keiin tilshiler ministrden «Sber» tobymen aradaǵy jobaǵa qatysty surady.
«Geosaiasattyń saldarynan biz áli sheshim qabyldaǵan joqpyz. Iaǵni odan bas tartamyz ba nemese basqa tehnologiiaǵa kóshemiz be degen másele pysyqtalyp jatyr. Biraq palatformaǵa kóshetinimiz anyq. Osy oraida ózimiz jasaǵan júie de bolýy múmkin. Biz bir jyldyń ishinde tiisti taldaý jumystaryn júrgizdik. Ózimiz jasaǵan platformaǵa belgili bir ýaqyt pen qarajat kerek bolady. Talqylaý aiaqtalǵan soń, bir aidyń ishinde tolyq aqparatty jariialaimyn», - dedi Mýsin.
Onyń aitýynsha, tsifrlyq platformany tez arada engizý úshin «Sber» tobymen aradaǵy joba tiimdi boldy. Alaida vedomstvony bul baǵyttaǵy jumystar boiynsha asyqtarmasa, onda 3-5 jyl ishinde otandyq platformany jasap shyǵý múmkindigi bar.
«Ózimiz tehnologiialardy birtindep damytyp, 3-5 jyldyń ishinde daiyndap shyǵýǵa bolady», - dedi ministr.
