قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين سبەربانكپەن اراداعى تسيفرلىق پلاتفورمانىڭ ورنىنا وتاندىق جوبا ٸسكە اسىرىلۋى مٷمكٸن ەكەنٸن ايتتى, دەپ حابارلايدى قازاقپارات.
بٷگٸن مەجٸلٸستٸڭ جالپى وتىرىسىنان كەيٸن تٸلشٸلەر مينيستردەن «سبەر» توبىمەن اراداعى جوباعا قاتىستى سۇرادى.
«گەوساياساتتىڭ سالدارىنان بٸز ەلٸ شەشٸم قابىلداعان جوقپىز. ياعني ودان باس تارتامىز با نەمەسە باسقا تەحنولوگيياعا كٶشەمٸز بە دەگەن مەسەلە پىسىقتالىپ جاتىر. بٸراق پالاتفورماعا كٶشەتٸنٸمٸز انىق. وسى ورايدا ٶزٸمٸز جاساعان جٷيە دە بولۋى مٷمكٸن. بٸز بٸر جىلدىڭ ٸشٸندە تيٸستٸ تالداۋ جۇمىستارىن جٷرگٸزدٸك. ٶزٸمٸز جاساعان پلاتفورماعا بەلگٸلٸ بٸر ۋاقىت پەن قاراجات كەرەك بولادى. تالقىلاۋ اياقتالعان سوڭ, بٸر ايدىڭ ٸشٸندە تولىق اقپاراتتى جارييالايمىن», - دەدٸ مۋسين.
ونىڭ ايتۋىنشا, تسيفرلىق پلاتفورمانى تەز ارادا ەنگٸزۋ ٷشٸن «سبەر» توبىمەن اراداعى جوبا تيٸمدٸ بولدى. الايدا ۆەدومستۆونى بۇل باعىتتاعى جۇمىستار بويىنشا اسىقتارماسا, وندا 3-5 جىل ٸشٸندە وتاندىق پلاتفورمانى جاساپ شىعۋ مٷمكٸندٸگٸ بار.
«ٶزٸمٸز تەحنولوگييالاردى بٸرتٸندەپ دامىتىپ, 3-5 جىلدىڭ ٸشٸندە دايىنداپ شىعۋعا بولادى», - دەدٸ مينيستر.
