"Báiterek" ulttyq basqarýshy holdingi men Sberbank toby Sberdiń Qazaqstandaǵy enshiles banki ("Sberbank" AQ EB) aktsiialarynyń barlyq paketin satyp alý-satý mámilesin jasasýdy aiaqtady, - dep habarlaidy "Ult aqparat" holdingtiń baspasóz qyzmetine silteme jasap.
Mámile ózara qolaily qarjylyq sharttarmen jasalǵan jáne barlyq qajetti retteýshilik maquldaýlardan ótken.
"Bank óz klientteri aldyndaǵy barlyq mindettemesin oryndaýdy jalǵastyrady, burynǵy klientteri úshin bank ónimderi boiynsha barlyq shart ózgerissiz qalady.
"Báiterek" holdingi eldiń qarjy júiesi úshin banktiń mańyzy joǵary dep esepteidi. Sberbank Qazaqstannyń zamanaýi infraqurylymy men tehnologiialary el ekonomikasynyń naqty sektoryn qarjylandyrýdy jalǵastyrýǵa jáne qyzmetti tolyqqandy júrgizýge múmkindik beredi", - delingen habarlamada.
Mámile aiasynda bank belsendi operatsiialardy tolyq jańartýǵa, depozitter tartýǵa jáne tólemder júrgizýge, sondai-aq halyq pen bizneske arnalǵan ónimder men qyzmetterdi damytýǵa múmkindik alady. Jaqyn ýaqytta "Sberbank Qazaqstanǵa" rebrending júrgizilmek.
"Báiterek" holdingi banktiń úzdiksiz jumysyn qamtamasyz etýge jáne banktiń burynǵy, sondai-aq jańa klientterine arnalǵan bank qyzmetterin damytý jáne jetildirý úshin qolaily jaǵdai jasaýǵa umtylady", - delingen habarlamada.
