SBER tobymen elektrondy platformany júzege asyrýǵa qatysty eshqandai zańdy qatynas joq. Bul týraly QR Tsifrlyq damý, innovatsiialar jáne aeroǵarysh ónerkásibi ministrliginen málim etti, dep habarlaidy QazAqparat.
Taratylǵan aqparatqa qaraǵanda, ministrlik táýekelderdi, onyń ishinde geosaiasi ahýaldy eskere otyryp baǵalaý júrgizip jatyr. Sonymen qatar eksperttik orta men qoǵamdastyq pikiri eskerilýde.
«Búginde SBER tobymen platformany júzege asyrý boiynsha eshqandai zańdy qarym-qatynas joq. Ministrlik qarastyryp otyrǵan basym sheshimderdiń biri – mundai jobalardy júzege asyrýda tájiribesi bar sarapshylardy tarta otyryp, «Ulttyq aqparattyq tehnologiialar» AQ ulttyq operatory, otandyq IT-kompaniialar resýrstary negizinde tsifrlandyrý úshin platforma qurý», - dep atap ótedi vedomstvodan.
Búgin Ortalyq kommýnikatsiialar qyzmetindegi baspasóz máslihatynda QR Tsifrlyq damý, innovatsiialar jáne aeroǵarysh ónerkásibi vitse-ministri Asqar Jambaqin Qazaqstan reseilik «SBER» platformasynan bas tartqanyn aitqan edi.
Buǵan deiin QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Sberbankpen aradaǵy tsifrlyq platformanyń ornyna otandyq joba iske asyrylýy múmkin ekenin aitqan bolatyn. «Geosaiasattyń saldarynan biz áli sheshim qabyldaǵan joqpyz. Iaǵni odan bas tartamyz ba nemese basqa tehnologiiaǵa kóshemiz be degen másele pysyqtalyp jatyr. Biraq palatformaǵa kóshetinimiz anyq. Osy oraida ózimiz jasaǵan júie de bolýy múmkin. Biz bir jyldyń ishinde tiisti taldaý jumystaryn júrgizdik. Ózimiz jasaǵan platformaǵa belgili bir ýaqyt pen qarajat kerek bolady. Talqylaý aiaqtalǵan soń, bir aidyń ishinde tolyq aqparatty jariialaimyn», - degen edi Baǵdat Mýsin.
