Ońtústik Qazaqstan oblysy ákiminiń apparaty Memlekettik qyzmetshilerdi daiarlaý ortalyǵynyń uiymdastyrýymen «Memlekettik organdardyń úkimettik emes jáne qoǵamdyq uiymdarmen, saiasi partiialarmen ózara is-qimyly» taqyrybynda kóshpeli seminar ótkizildi, dep habarlaidy "Ult aqparat" "Ońtústik Qazaqstan" basylymyna silteme jasap.
«B» korpýsynyń memlekettik ákimshilik qyzmetshilerine arnalǵan biliktilikti arttyrý máselesin talqylaǵan seminar Sairam aýdanyndandaǵy «Aqsý demi» shipajaiynda uiymdastyryldy.
Tórt kúndik jiynǵa 30 memlekettik qyzmetshi qatysyp, biliktiligin shyńdady.
OQO ákimi apparaty memlekettik qyzmetshilerdi daiarlaý ortalyǵynyń basshysy Z.Qabylbekova, Sairam aýdandyq máslihatynyń apparat basshysy Sh.Tileýova, oblystyq «Nur Otan» partiiasy men úkimettik emes uiymdardyń ókilderi 4 baǵyt boiynsha memlekettik qyzmetshilerdiń aldyna qoiylǵan mindetter boiynsha dáris oqydy. Atap aitqanda, Qazaqstan Respýblikasynyń «Memlekettik qyzmet týraly» zańy, QR Prezidentiniń 2015 jyldyń 29 jeltoqsanyndaǵy №152 Jarlyǵy boiynsha jariialanǵan «Memlekettik qyzmetshilerdi daiarlaý, qaita daiarlaý jáne biliktiligin arttyrý qaǵidattary» aiasynda tyńdaýshylar dáris tyńdap, ózderine qajetti maǵlumat aldy.
Aýdandar men basqarmalardan kelgen tyńdaýshylar aldynda «Qoǵamdyq-saiasi máselelerdi sheshýdegi tiimdilik» taqyrybynda OQO ákimi apparaty qoǵamdyq-saiasi monitoring bóliminiń bas inspektory G.Boranbaeva, Memlekettik qyzmet isteri jáne sybailas jemqorlyqqa qarsy is-qimyl agenttiginiń OQO boiynsha departamenti basshysynyń orynbasary A.Shilmanov, OQO ákimi apparaty basshysynyń orynbasary G.Asylbekova, Sairam aýdandyq máslihaty turaqty komissiiasynyń tóraǵasy S.Saǵyndyqov, «B» korpýsy qyzmetshileriniń búgingi tańda aldyna qoiylyp otyrǵan keleli mindetter men jaýapkershilik týraly áńgimeledi.
Qatysýshylar «Talaptyǵa nur jaýar» saiysyn uiymdastyrdy. «Galstýksiz kezdesý» sharasynda aýdandyq Mádeniet úiiniń qyzmetkerleri tyńdaýshylarǵa kontserttik baǵdarlama usyndy. Jalpy, seminardyń maqsaty – memlekettik qyzmetshilerdiń biliktiligin arttyrý, kásibilendirý, memlekettik organdardyń qoǵamdyq-saiasi uiymdarmen bailanysyn damytý bolatyn. Atalǵan shara dittegen mejeden shyqty.
