Sairam aýdanynyń agroónerkásip salasynda biylǵy jyldye 10 aiynda 108 mlrd teńgeden astam ónim óndirilip, byltyrǵy jyldyń osy kezeńimen salystyrǵanda 4,5 mlrd teńgege artqan. Bul týraly Sairam aýdanynyń ákimi Ulasbek Sádibekov óńirlik kommýnikatsiialar qyzmetinde ótken brifingte málimdedi.
Biyl «Aýyl sharýashylyǵy, tamaq jáne óńdeý ónerkásibi qyzmetkerleri kúnine arnalǵan» «ALTYN KÚZ -2022» saltanatty merekesinde Sairam aýdany «Agroónerkásip keshenin damý kórsetkishterin oryndaý» boiynsha oblysta kósh bastaǵan bolatyn.
«Jalpy óńirlik ónim kólemi biylǵy 10 aida 202 mlrd teńgege jetti. Jalpy ónimniń 53%-y aýylsharýashylyǵy salasyna tiesili bolsa, 24%-y – ónerkásip salasynyń, al 5,8%-y – qurylys salasynyń úlesinde. «Bir jerden bir jylda eki ret ónim alý» jobasy biyl 306,2 gektarǵa jetti. Óńdeý ónerkásip salasynda 41 mlrd teńgeniń ónimi shyǵarylyp, oblys boiynsha aýdan 2-orynda», - dedi aýdan basshysy.
Aýdan ekonomikasyna jyl basynan 32,9 mlrd teńgege investitsiia tartylǵan. Investitsiia tartý kórsetkishi boiynsha oblys kóleminde aýdan 3-orynda tur.
Infraqurylym boiynsha, tabiǵi gazben qamtý kórsetkishi 73,8%-ǵa jetken. 2023 jyly aýdan halqyn gazben qamtamasyz etý kórsetkishin 88%-ǵa, al 2024 jyly 100%-ǵa jetkizemiz dep josparlanǵan. Sonymen qatar, aýdan kólemindegi 1 298,1 shaqyrym avtokólik joldardyń 59,9%-y qanaǵattanarlyq jaǵdaida. Qazirgi tańda 12 ishki kóshe ortasha jóndeýden ótip, aýdandyq mańyzy bar 4 avtomobil jolynda kúrdeli jóndeý jumystary jalǵasyp jatyr. Nátijesinde, jyl sońynda paidalanymdaǵy joldardyń qanaǵattanarlyq jaǵdaidaǵy úlesi 61,6%-ǵa jetkizilmek.
