«Sairam-Ógem» memlekettik ulttyq tabiǵi parkiniń aýmaǵynda ornatylǵan fototuzaqtarǵa sirek kezdesetin jabaiy janýarlar – Túrkistan sileýsini, Úndi jairasy, qasqyr jáne Sibir eligi túsip qaldy, dep habarlaidy Ult.kz.
Ulttyq park qyzmetkerleriniń aitýynsha, fototuzaqtar tek janýarlardy beinejazbaǵa túsirip qana qoimai, olardyń qaýipsizdigin qamtamasyz etýge de kómektesedi. Qys mezgilinde biotehnikalyq is-sharalar kúsheitilip, jabaiy ańdarǵa jem-shóp qory daiyndaldy.
"Bul kadrlar Qazaqstannyń ońtústiginde mekendeitin janýarlar áleminiń alýan túrliligin taǵy bir márte dáleldeidi", - deidi park qyzmetkerleri.
Aita ketý kerek, «Sairam-Ógem» MUTP aýmaǵynda barlyq ańshylyq túrine qatań tyiym salynǵan. Janýarlar popýliatsiiasyn saqtaý maqsatynda turaqty túrde tabiǵat qorǵaý sharalary júrgizilýde.
