Sailaýdyń aldyn ala qorytyndysy jariialandy

Ortalyq sailaý komissiiasy 20 qarashada ótken kezekten tys prezident sailaýynyń aldyn ala qorytyndysyn jariialady, dep habarlaidy "Ult aqparat".

OSK málimetinshe, sailaýshylar tizimine 11 953 465 qazaqstandyq engizilgen. Sonyń ishinde 8 300 046 sailaýshy nemese 69,44%-ti daýys berdi.

Óńirler bólinisinde:

Abai oblysy - 80,18%

Aqmola oblysy - 78,87%

Aqtóbe oblysy - 72,81%

Almaty oblysy - 72,10%

Atyraý oblysy - 70,87%

Batys Qazaqstan oblysy - 68,67%

Jambyl oblysy - 79,57%

Jetisý oblysy - 81,42%

Qaraǵandy oblysy - 78,39%

Qostanai oblysy - 79,28%

Qyzylorda oblysy - 81,07%

Mańǵystaý oblysy - 66,99%

Pavlodar oblysy - 77,58%

Soltústik Qazaqstan oblysy - 79,01%

Túrkistan oblysy - 80,37%

Ulytaý oblysy - 75,48%

Shyǵys Qazaqstan oblysy - 79,49%

Astana qalasy - 48,67%

Almaty qalasy - 28,72%

Shymkent qalasy - 59,79%

Óz tańdaýyn jasaǵan sailaýshylar sany jaǵynan Jetisý, Abai, Qyzylorda jáne Túrkistan oblystary kósh bastap tur. Bul óńirlerde halyqtyń seksen paiyzy sailaý ýchaskelerine barǵan.

Al Almaty men Astana turǵyndarynyń belsendiligi tómen boldy. Ońtústik megapoliste sailaýǵa barý kórsetkishi otyz paiyzǵa da jetpedi, al elorda 50%-ti eńsere almady. 

Sailaýǵa túsken 6 kandidattyń ishinde eń kóp daýysty qazirgi Prezident Qasym-Jomart Toqaev jinady.

Aldyn ala qorytyndy boiynsha nátijeler tómendegidei:

1. Qasym-Jomart Toqaev (Halyqtyq koalitsiia atynan) – 81,31% nemese 6 456 392 adam;
2. Meiram Qajyken ("Amanat" respýblikalyq kásipodaqtar birlestigi) – 2,53% nemese 200 907 adam;
3. Jigýli Dairabaev ("Aýyl" partiiasy) – 3,42% nemese 271 641 adam;
4. Qaraqat Ábden ("Kásibi áleýmettik jumysshylar ulttyq aliansy" respýblikalyq qoǵamdyq birlestigi) – 2,6 % nemese 206 206 adam;
5. Saltanat Tursynbekova ("Qazaq analary – dástúrge jol" respýblikalyq qoǵamdyq birlestigi) –2,12 % nemese 168 731 adam;
6. Nurlan Áýesbaev (Jalpyhalyqtyq sotsial-demokratiialyq partiiasy) – 2,22 % nemese 176 116 adam daýys berdi.

Jalpy, daýys berý kúni sailaý rásimderin QR Prezidenttigine kandidattardyń 11 myńnan astam senim bildirgen adamy, shet memleketterdiń, halyqaralyq uiymdardyń 641 baiqaýshysy, saiasi partiialardan - 15,5 myń, sondai-aq, qoǵamdyq birlestikterden 30 myńnan astam baiqaýshy baqylaǵan.

Odan bólek, sailaý ýchaskelerine qazaqstandyq buqaralyq aqparat quraldarynyń 1225 ókili, 23 elden 41 sheteldik BAQ ókilderin usynatyn 106 akkredittelgen jýrnalist qatysyp, saiasi naýqan barysynan aqparat jariialady.

Aita keteiik, jańa Prezident jeti jylǵa jáne tek bir merzimge sailanady.