Sailaýdy kerek qylmaityn adamdardyń qatary kóbeidi. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda málim etti, dep habarlaidy QazAqparat.
«Saiasi jańǵyrýdyń basty maqsaty – azamattardyń memleketti basqarý isindegi rólin arttyrý. Bul jumysty sailaý úderisi arqyly da júzege asyramyz. Biz osydan 15 jyl buryn konstitýtsiialyq reforma aiasynda Májilis depýtattaryn proportsionaldy tásilmeý sailaýǵa kóshtik. Al 2018 jyldan bastap máslihattaryn da osy úlgimen sailaityn boldyq. Bul qadamdar elimizdegi partiialyq júieni damytýǵa tyń serpin berdi. Alaida onyń jaǵymsyz tustary da baiqaldy. Partiiada joq azamattar Májiliske ǵana emes, jergilikti ókildi organdarǵa da sailana almaityn boldy. Muny ashyq moiyndaýymyz kerek. Sonyń saldarynan halyqtyń sailaý naýqanyna qyzyǵýshylyǵy kúrt tómendedi», - dedi Prezident.
Osy oraida Memleket basshysy sailaýdy kerek qylmaityn adamdardyń qatary kóbeigenin atap ótti.
«Olar ózderiniń daýysy mańyzdy ekenine, el ómirin jaqsartýǵa yqpal ete alatynyna senbeitin boldy. Ashyǵyn aitsaq, qazir jurt depýtattardy asa tani bermeidi», - dedi Qasym-Jomart Toqaev.
