سايلاۋدى كەرەك قىلمايتىن ادامداردىڭ قاتارى كٶبەيدٸ. بۇل تۋرالى مەملەكەت باسشىسى قاسىم-جومارت توقاەۆ قازاقستان حالقىنا جولداۋى بارىسىندا مەلٸم ەتتٸ, دەپ حابارلايدى قازاقپارات.
«ساياسي جاڭعىرۋدىڭ باستى ماقساتى – ازاماتتاردىڭ مەملەكەتتٸ باسقارۋ ٸسٸندەگٸ رٶلٸن ارتتىرۋ. بۇل جۇمىستى سايلاۋ ٷدەرٸسٸ ارقىلى دا جٷزەگە اسىرامىز. بٸز وسىدان 15 جىل بۇرىن كونستيتۋتسييالىق رەفورما اياسىندا مەجٸلٸس دەپۋتاتتارىن پروپورتسيونالدى تەسٸلمەۋ سايلاۋعا كٶشتٸك. ال 2018 جىلدان باستاپ مەسليحاتتارىن دا وسى ٷلگٸمەن سايلايتىن بولدىق. بۇل قادامدار ەلٸمٸزدەگٸ پارتييالىق جٷيەنٸ دامىتۋعا تىڭ سەرپٸن بەردٸ. الايدا ونىڭ جاعىمسىز تۇستارى دا بايقالدى. پارتييادا جوق ازاماتتار مەجٸلٸسكە عانا ەمەس, جەرگٸلٸكتٸ ٶكٸلدٸ ورگاندارعا دا سايلانا المايتىن بولدى. مۇنى اشىق مويىنداۋىمىز كەرەك. سونىڭ سالدارىنان حالىقتىڭ سايلاۋ ناۋقانىنا قىزىعۋشىلىعى كٷرت تٶمەندەدٸ», - دەدٸ پرەزيدەنت.
وسى ورايدا مەملەكەت باسشىسى سايلاۋدى كەرەك قىلمايتىن ادامداردىڭ قاتارى كٶبەيگەنٸن اتاپ ٶتتٸ.
«ولار ٶزدەرٸنٸڭ داۋىسى ماڭىزدى ەكەنٸنە, ەل ٶمٸرٸن جاقسارتۋعا ىقپال ەتە الاتىنىنا سەنبەيتٸن بولدى. اشىعىن ايتساق, قازٸر جۇرت دەپۋتاتتاردى اسا تاني بەرمەيدٸ», - دەدٸ قاسىم-جومارت توقاەۆ.
