QR Ortalyq sailaý komissiiasy 2021 jyly 10 qańtarda ótetin QR Parlamenti jáne máslihattary depýtattarynyń kezekti sailaýyndaǵy múmkindigi shekteýli azamattardyń sailaý quqyqtaryn qamtamasyz etý máselelerin talqylady, dep habarlaidy QazAqparat.
Ortalyq sailaý komissiiasynyń tóraǵasy Berik Imashevtyń aitýynsha, 2018 jyly QR «Sailaý týraly» Konstitýtsiialyq zańynda múmkindigi shekteýli azamattardyń sailaý quqyqtaryn qamtamasyz etý jónindegi normalar alǵash bekitilgen.
Bul jańa engizilim 2015 jylǵy 20 aqpanda Qazaqstan ratifikatsiialaǵan BUU múgedekterdiń quqyqtary týraly konventsiiasyn iske asyrý maqsatynda ázirlendi jáne Adam quqyqtaryn qorǵaý jónindegi halyqaralyq qujattarǵa sáikes keltirýge baǵyttalǵan.
«Endi konstitýtsiialyq zańda múmkindigi shekteýli azamattardyń sailaý ýchaskelerine kedergisiz qol jetkizý men onda daýys berýdi qamatmasyz etý boiynsha normalar kózdelgen. Ortalyq sailaý komissiiasy zańnamadaǵy ózgeristerdi iske asyrý úshin normativtik qujattar qabyldady. Bul jańa engizilimde qoǵamdyq birlestikter, azamattyq qoǵam jáne úkimettik emes uiymdar sektor ókilderiniń oń pikirine ie bolǵanyn atap ótkim keledi. 2017 jyly OSK janynan múgeldekterdiń sailaý quqyqtaryn qamtamasyz etý jónindegi jumys toby quryldy. Múmkindigi shekteýli azamattardy kóbirek habardar etý maqsatynda aldaǵy sailaý jóninde aqparattyq-túsindirý rolikteri sýroaýdarmasymen birge daiyndalýda. Bul praktika 2019 jylǵy Prezident sailaýynda da bolǵan», - dedi Berik Imashev Ortalyq sailaý komissiiasynyń otyrysynda.
Otyrys sońynda Ortalyq sailaý komissiiasy jergilikti atqarýshy organdarǵa qajetti jaǵdailarmen qamtamasyz etýdi usyndy. Avtokólikke arnalǵan turaqtar, taianyshtar, pandýstar, tósemder, liftiler, taktildi kórsetkishter, jasyryn daýys berýge arnalǵan arnaiy quraldar bolýy qajet.
Qulaǵynyń múkisi bar sailaýshylar úshin jergilikti atqarýshy organdardyń, qoǵamdyq birlestikterdiń kómegimen sýrdoaýdarmashylar, tiflosýrdo-aýdarmashylar tartylýy múmkin.
Jergilikti atqarýshy organdar sailaý naýqandary kezeńinde mátindik faildardy dybystyq nemese taktildi signaldarǵa ainaldyratyn ekrandyq qol jetkizýdiń kompiýterlik baǵdarlamalary ornatylǵan arnaiy jabdyǵy (tiflotehnikalyq quraldar) bar zaǵiptar, túzetý mektepteri, múgedekterdiń qoǵamdyq uiymdary úshin kitaphanalardyń tehnikalyq múmkindikterin paidalaný boiynsha sailaý komissiialaryna járdem kórsetýi qajet.
Ortalyq sailaý komissiiasy men qoǵamdyq uiymdar arasynda: «Qazaqstan múgedekter konfederatsiiasy» respýblikalyq qoǵamdyq birlestigi, «Qazaq sańyraýlar qoǵamy» respýblikalyq qoǵamdyq birlestigi, «Qazaq soqyrlar qoǵamy» qoǵamdyq birlestigi, «Shyraq» múgedek áielder qaýymdastyǵy» qoǵamdyq birlestigi arasynda múmkindigi shekteýli azamattardyń sailaý quqyqtaryn iske asyrý máseleleri boiynsha yntymaqtastyq týraly memorandýmdarǵa qol qoiylǵan.
