«Qazaqstan» ulttyq arnasy 22 jeltoqsanda QR Parlamenti Májilisiniń sailaýyna qatysýshy partiialar arasynda teledebat ótkizedi, dep habarlaidy "Ult aqparat".
Úmitker partiia ókilderi Ulttyq arnanyń «Ashyq alań» baǵdarlamasy aiasynda tikelei efirde bir saǵat boiy óz sailaýaldy baǵdarlamasyn qorǵap, qarsylas partiialarmen ashyq diskýssiia quryp, sailaýshylar tarapynan kelip túsken suraqtarǵa jaýap beredi.
Teledebatqa «Qazaqstan halyq partiiasy» atynan Ǵaziz Qulahmetov, «Nur Otan» partiiasynan Aidos Sarym, «Aýyl» halyqtyq-demokratiialyq patriottyq partiiasy atynan Dáýletkerei Kápuly, «Aq jol» Qazaqstannyń demokratiialyq partiiasynyń múshesi Berik Dúisenbinov, «ADAL» saiasi partiiasynan Maqsat Tolyqbai qatysady.
Teledebat 22 jeltoqsan, saǵat 20:30-da tikelei efirde ótedi.
