Sailaý ýchaskesindegi zań buzýshylyqtar týraly video Qazaqstanda túsirilmegen. Bul týraly stopfake.kz saity habarlady.
Facebook-te sailaý ýchaskesinde baqylaý kamerasymen túsirilgen beinejazba jariialandy. Onda biýlletenderdiń daýys berý jáshigine salý barysy kórsetilgen. Post avtorynyń aitýynsha, bul Qazaqstanda oryn alǵan jaǵdai. Shyn máninde, bul eski video jáne ótken jyldyń shilde aiynda Máskeýde túsirilgen.
Videonyń túpnusqasyn Twitter-den kórýge bolady. Ol 2 shildede Reseide Konstitýtsiiaǵa ózgertýler engizý jónindegi sailaýdan keiingi kúni jariialanǵan.
Keiinnen máskeýlik Ramenka aýdanyndaǵy osy sailaý ýchaskesinde daýystardy sanaý toqtatyldy, bul týraly Máskeý qalalyq sailaý komissiiasy óziniń Telegram kanalynda habarlady.
Demek, videoda kórsetilgen buzýshylyqtar Qazaqstanda bolǵan degen aqparvt – feik. Bul jazbanyń qazaqstandyq sailaýǵa eshqandai qatysy joq
