Sailaý ýchaskelerindegi daýys berýge arnalǵan kabinkalardaǵy beinekameralardyń betin búrkemelep qoiý zańǵa qaishy emes. Bul týraly Nur-Sultan qalalyq sailaý komissiiasynyń tóraǵasy Baqyt Bektemisova aitty, dep habarlaidy QazAqparat.
«Sailaý týraly» Konstitýtsiialyq zańnyń 3-baby 1-tarmaǵyna sáikes sailaý jasyryn daýys berý arqyly ótkiziledi. Jasyryn daýys berý mindetti túrde saqtalýy tiis. Osyǵan orai sailaý ýchaskelerindegi beine baqylaýǵa arnalǵan statsionarlyq kameralardyń barlyǵy jumys istemeidi jáne búrkemelengen. Bul barlyq ýchaskege qatysty. Degenmen, kameralar negizinen mektepterde, oqý oryndarynda, áleýmettik nysandarda bar. Kóptegen ǵimaratta qaýipsizdik úshin beinebaqylaý ornatylǵan. Biraq, sailaý kúninde biz olardyń barlyǵyn jaýyp qoidyq nemese ajyrattyq. Óitkeni, jasyryn daýys berý saqtalýy tiis», - dedi Baqyt Bektemisova.
Aita keteiik, áleýmettik jelide elordadaǵy sailaý ýchaskeleriniń birinde beinebaqylaý kamerasynyń búrkemelenip turǵan sýreti tarap, jeli qoldanýshylary arasynda túsinbeýshilik týdyrǵan bolatyn.
