Belgili saiasatanýshy, qoǵam qairatkeri Aidos Sarym QR Sailaý týraly jańa zań týraly pikir bildirdi, dep habarlaidy QazAqparat.
«Qabyldanǵan jańa zań - QR Prezidenti aitqan birinshi saiasi reformalar paketiniń bóligi. Bul jaǵdaida zań jas depýtattardyń sanyn arttyryp, genderlik quramǵa yqpal etedi. Bizde Májilis pen Senattan bastap, oblystyq, aýdandyq máslihattarǵa deiin erler sany basym. Jańa zańǵa sáikes, QR Parlamenti Májilisine, qalalyq máslihattarǵa jańa sailaýǵa úmitkerler partiialyq tizim boiynsha qatysady. Qazir elimizde aitarlyqtai qyzyqty protsester júrip jatqanyn túsiný kerek. Bul - saiasi ómirge qatysqysy keletin barlyq adamǵa múmkindik. Usynylyp otyrǵan sheshim de jaman emes», - dedi saiasattanýshy.
Onyń aitýynsha, qazir jastar belsendilik tanytýy qajet.
«Jastar belsendi qatyspaǵan normalardyń bereri az. Bul - qoldanyp qalýǵa turarlyq úlken múmkindik. Qazir belsendi bolý kerek. Eger qoǵamda bedeli bar, tanymal tulǵa bolsań, partiialardyń ózi-aq birlesip jumys isteýdi usynady. Qolda bar múmkindikterdi paidalanyp, osy naryqty jaýlap alý qajet», - dep keńes berdi Aidos Sarym.
