Sailaý týraly zańnamaǵa engiziletin barlyq ózgerister men tolyqtyrýlar pysyqtalyp jatyr. Bul týraly Ulttyq qoǵamdyq senim keńesiniń besinshi otyrysynda QR Prezidenti Qasym-Jomart Toqaev málim etti, dep habarlaidy "Ult aqparat".
«Sailaý týraly zańnamaǵa engiziletin barlyq ózgerister men tolyqtyrýlar pysyqtalýda. Tiisti zań aldaǵy ýaqytta qabyldanady. Sodan keiin ǵana kentterdiń, aýyldar men aýyldyq okrýg ákimderiniń tikelei sailaýyna qajetti barlyq normativtik-quqyqtyq negiz tolyǵymen qalyptasty dep aita alamyz. Biraq, biz munymen shektelip qalmaimyz. Kelesi mańyzdy qadam – aýdan ákimderiniń tikelei sailaýy», - dedi Memleket basshysy.
Aita keteiik, búgin Prezident qazir biz kentterdiń, aýyldar men aýyldyq okrýgterdiń ákimderin tikelei sailaýǵa daiyndyq júrip jatqanyn atap ótti.
«Sailaý biyl shamamen tamyz-jeltoqsan ailary arasynda ótedi. Osy jyly 786 aýyl ákiminiń ókilettigi aiaqtalady», - dedi Q. Toqaev.
Budan buryn habarlanǵandai, Prezident aýdan ákimderiniń tikelei sailaý 2024 jyly ótkizý kerek dep sanaitynyn aitty.
