سايلاۋ تۋرالى زاڭناماعا ەنگٸزٸلەتٸن بارلىق ٶزگەرٸستەر مەن تولىقتىرۋلار پىسىقتالىپ جاتىر. بۇل تۋرالى ۇلتتىق قوعامدىق سەنٸم كەڭەسٸنٸڭ بەسٸنشٸ وتىرىسىندا قر پرەزيدەنتٸ قاسىم-جومارت توقاەۆ مەلٸم ەتتٸ, دەپ حابارلايدى "ۇلت اقپارات".
«سايلاۋ تۋرالى زاڭناماعا ەنگٸزٸلەتٸن بارلىق ٶزگەرٸستەر مەن تولىقتىرۋلار پىسىقتالۋدا. تيٸستٸ زاڭ الداعى ۋاقىتتا قابىلدانادى. سودان كەيٸن عانا كەنتتەردٸڭ, اۋىلدار مەن اۋىلدىق وكرۋگ ەكٸمدەرٸنٸڭ تٸكەلەي سايلاۋىنا قاجەتتٸ بارلىق نورماتيۆتٸك-قۇقىقتىق نەگٸز تولىعىمەن قالىپتاستى دەپ ايتا الامىز. بٸراق, بٸز مۇنىمەن شەكتەلٸپ قالمايمىز. كەلەسٸ ماڭىزدى قادام – اۋدان ەكٸمدەرٸنٸڭ تٸكەلەي سايلاۋى», - دەدٸ مەملەكەت باسشىسى.
ايتا كەتەيٸك, بٷگٸن پرەزيدەنت قازٸر بٸز كەنتتەردٸڭ, اۋىلدار مەن اۋىلدىق وكرۋگتەردٸڭ ەكٸمدەرٸن تٸكەلەي سايلاۋعا دايىندىق جٷرٸپ جاتقانىن اتاپ ٶتتٸ.
«سايلاۋ بيىل شامامەن تامىز-جەلتوقسان ايلارى اراسىندا ٶتەدٸ. وسى جىلى 786 اۋىل ەكٸمٸنٸڭ ٶكٸلەتتٸگٸ اياقتالادى», - دەدٸ ق. توقاەۆ.
بۇدان بۇرىن حابارلانعانداي, پرەزيدەنت اۋدان ەكٸمدەرٸنٸڭ تٸكەلەي سايلاۋ 2024 جىلى ٶتكٸزۋ كەرەك دەپ سانايتىنىن ايتتى.
