«Habar» arnasynda tikelei efirde saiasi partiialardyń jetekshileri arasyndaǵy sheshýshi saiasi debat ótti, dep habarlaidy QazAqparat.
Teledebatqa «Nur Otan» partiiasy tóraǵasynyń birinshi orynbasary Baýyrjan Baibek, «Aýyl» halyqtyq-demokratiialyq partiiasynyń tóraǵasy Áli Bektaev, Qazaqstan Halyq partiiasynyń tóraǵasy Aiqyn Qońyrov, «AQ JOL» Qazaqstannyń demokratiialyq partiiasynyń tóraǵasy Azat Perýashev, «ADAL» partiiasynyń saiasi keńes múshesi Eldar Jumaǵaziev qatysty.
Debat úsh raýndqa bóline ótkizildi. Alǵashqy raýndta partiia basshylary Qazaqstannyń ekonomikalyq damý josparyn bólisti. Ol úshin spikerlerge bir jarym minýttan ýaqyt berildi. Sondai-aq, osy raýndta partiia basshylary bir-birine suraq qoiyp, jaýap aldy. Ár partiia basshysyna 2 suraq qoiý múmkindigi berildi. Partiia basshylary bir-birine jer, ekonomikalyq baǵdar, áleýmettik, argoónerkásiptik, azyq-túlik qaýipsizdigi máseleler tóńireginde ótkir suraqtardy qoidy.
Ekinshi raýndta spikerler halyqtyń leýmettik ál-aýqatyn jaqsartý týraly usynys pikirlerin ortaǵa saldy. Sonymen qatar bul kezeńde partiia basshylary telejúrgizýshiniń suraqtaryna jaýap berdi.
Úshinshi raýndta partiia basshylary sailaýshylarǵa arnap sóz sóilep, halyqty óz partiialaryna daýys berýge shaqyrdy.
Debatty Ortalyq sailaý komissiiasynyń músheleri baqylap otyrdy.
