Astanada úgit-nasihat jumystarynyń bastalýy qarsańynda QR Prezidenttigine kandidat Saltanat Tursynbekova shtabynyń uiymdastyrý komitetiniń májilisi ótti, dep habarlaidy "Ult aqparat".
Qatysýshylar daiyndyq jumysynda statýs-kvony, sondai-aq aldaǵy kezeńge arnalǵan josparlardy talqylady. Top azamattarǵa taratýǵa arnalǵan paraqshalar, kósheler men úi-jailarda ilip qoiýǵa arnalǵan bannerler, telearnalar men beine platformalarda transliatsiialaýǵa arnalǵan videolar daiyndady. Kandidat týraly barlyq qajetti aqparat, sailaý aldyndaǵy baǵdarlama, josparlanǵan is-sharalardyń sońǵy jańalyqtary men habarlandyrýlary jariialanatyn sait pen áleýmettik jeliler ázirlendi. Shtab aqparattyq materialdardy daiyndaýǵa qatysty jumysty jolǵa qoidy, mindetter bólindi jáne úgit-nasihat protsesine daiyndyq qarqyndy júrip jatyr.
Jinalǵandar elimizdiń óńirlerine aldaǵy saparlaryn talqylady. Onda Saltanat Tursynbekova halyqpen, iri kásiporyndar ujymdarymen kezdesýler ótkizedi, ýniversitetterge, mektepterge, qarttar úilerine, daǵdarys ortalyqtaryna, shaǵyn kásiporyndar men bazarlarǵa barady, sondai-aq kreativti qaýymdastyqtarmen, ormandar men janýarlarlardy qorǵaýshylarmen, kóp balaly analarmen, múmkindigi shekteýli azamattar birlestikterimen jáne basqalar azamattarmen kezdesýler ótkizedi.
Sondai-aq, shtab kandidattyń sailaýaldy baǵdarlamasyn egjei-tegjeili talqylady. Saltanat Tursynbekova kúshterdi ádildik pen áleýmettik teńdikti qamtamasyz etýge, balalardy, áielderdi, qarttardy jáne múmkindigi shekteýli adamdardy qorǵaý men qoldaýdyń tiimdi jáne naqty tetigin qurýǵa baǵyttaidy. Qujatta úsh negizgi baǵyt anyqtalǵan: otbasylardyń ál-aýqatyn jaqsartý, otbasynyń qaýipsizdigin qamtamasyz etý, sondai-aq adami kapitaldy damytý. Saltanat Tursynbekova jumyspen qamtý, áleýmettik qorǵaý, turǵyn úige qoljetimdilik, otbasylyq-turmystyq zorlyq-zombylyqqa qarsy is-qimyl, bilim berý júiesin jańǵyrtý, oǵan muqtaj azamattarǵa psihologiialyq jáne quqyqtyq kómektiń qoljetimdiligin qamtamasyz etý siiaqty salalardaǵy ózgerister men reformalardy josparlap otyr.
Esterińizge sala keteiik, QR Ortalyq sailaý komissiiasy Saltanat Tursynbekovany kezekten tys sailaýda Prezidenttikke kandidat retinde tirkegen bolatyn. Ol "Qazaq analary – dástúrge jol" respýblikalyq qoǵamdyq birlestiginiń atynan usynyldy.
Kandidat týraly ne bilemiz?
Saltanat Tursynbekova - qoǵam qairatkeri, quqyq qorǵaýshy, eki balanyń anasy. Ol eldegi sońǵy jyldardaǵy eń kóp talqylanǵan jáne rezonanstyq taqyryptardyń biri - turmystyq zorlyq-zombylyqqa qarsy kópjyldyq qajyrly eńbegimen tanymal.
20 jyldan astam memlekettik qyzmette, onyń ishinde Memlekettik qyzmet isteri agenttiginde, Joǵarǵy sotta jáne Bas prokýratýrada eńbek etti, sonymen qatar 10 jyl basshylyq laýazymdardy atqardy.
Saltanat Tursynbekova Bas prokýratýra janynan quqyq qorǵaý organdary akademiiasyn, respýblikanyń barlyq oblystarynda oqý-ádistemelik jumysy men prokýratýra organdarynyń qyzmetkerlerin daiarlaý ortalyqtaryn qurý jónindegi jumystyń basshysy boldy.
Bas prokýratýrada jumys istei júrip, "Otbasynda zorlyq-zombylyqsyz Qazaqstan" jobasyna bastamashy boldy. Daǵdarys ortalyqtaryna, balalar úilerine, qarttar úilerine, áielder koloniialaryna, eldiń eń shalǵai aýyldaryna bardy. Úkimet "Otbasynda zorlyq-zombylyqsyz Qazaqstan" jobasynyń ideialaryn qoldady jáne jergilikti jerlerde ákimder daǵdarys ortalyqtaryn asha bastady. Ázirlengen is-sharalar eki jyl ishinde aldymen elordada jáne tórt oblysta, al odan ári basqa da óńirlerde iske asyrylatyn bolady. ”Otbasyndaǵy zorlyq-zombylyqsyz Qazaqstan" jobasy Qazaqstandaǵy BUU sheshimimen zorlyq-zombylyqqa qarsy kúrestiń tiimdi ulttyq strategiialarynyń biri retinde tanyldy.
Memlekettik qyzmettegi jumysyn aiaqtaǵannan keiin, Saltanat Tursynbekova áielder quqyǵyn qorǵaýmen ainalysýdy jalǵastyrdy, biraq qoǵamdyq jumystyń aiasynda ǵana. Atap aitqanda, ol ózin-ózi qorǵaý baptary boiynsha jazasyn ótep júrgen áieldermen úlken jumys jasady.
