Qazaqstan Parlamenti Májilisine sailaý ótetin 10 qańtar kúni Resei Federatsiiasynyń aýmaǵynda júrgen elimiz azamattary úshin 5 daýys berý ýchaskesi jumys isteidi, dep habarlaidy "Ult aqparat".
Qazaqstannyń Reseidegi Elshiliginiń aqparatyna sáikes, Elshiliktiń Máskeýdegi ǵimaratynda (Chistoprýdnyi býlvar, 3 «A») ornalasatyn №265 sailaý ýchaskesi jergilikti ýaqytpen saǵat 07.00 ashylyp, saǵat 20.00-ge deiin jumys isteitin bolady.
«Sailaýshylar tizimine tirkelý úshin RF-daǵy QR Elshiliginiń konsýldyq esebine turýǵa keńes beriledi. Suraqtar týyndaǵan jaǵdaida jumys kúnderi shuǵyl jeli nómirine +7 (925) 897 71 14 (#1 ishki nómir) habarlasýǵa bolady... Sailaý ýchaskesine kelgende ózińizben birge QR azamatynyń jeke kýáligi nemese pasporty bolýy kerek. Aǵymdaǵy epidemiologiialyq ahýaldy eskere otyryp, maskalyq rejim men áleýmettik ara qashyqtyqty saqtaý mańyzdy», - dedi dipókildikten.
Máskeýden bólek, Qazaqstan Respýblikasynyń Bas konsýldyqtary janynda ashylatyn sailaý ýchaskelerinde daýys berýge bolady:
Sankt-Peterbýrg qalasy – Ryleeva kóshesi, 10 úi, sailaý ýchaskesi nómiri 290, sait.
Qazan qalasy – Karl Marks kóshesi, 8/13 úi, sailaý ýchaskesi nómiri 301, sait.
Astrahan qalasy – Akvarelnaia kóshesi, 2B úi, sailaý ýchaskesi nómiri 291, sait.
Omby qalasy – Shoqan Ýálihanov kóshesi, 9 úi, sailaý ýchaskesi nómiri 292, sait.
