Ortalyq kommýnikatsiialar ortalyǵynda ótken brifingide QR densaýlyq saqtaý vitse-ministri Ajar Ǵiniiat sailaýdyń onlain ótýi Konstitýtsiialyq zańǵa qaishy keletinin aitty, dep habarlaidy "Ult aqparat".
«Sailaý onlain ótpeidi. Elimizdiń Konstitýtsiialyq zańyna sáikes, ár azamat óziniń sailaý ýchaskesine baryp, óziniń jeke kýáligin kórsetip, daýys berýi kerek. Ministrlik pen meditsinalyq qyzmetkerler barlyq qaýipsizdik jaǵyn qamtamasyz etýimiz kerek. Sondyqtan sailaý ýchaskeleriniń kire berisinde bailanyssyz termometriia jáne sailaýshylar úshin qozǵalys baǵyty boiynsha qashyqtyq belgileriniń kórsetkishi bolýy kerek», - deidi QR densaýlyq saqtaý vitse-ministri Ajar Ǵiniiat.
Sondai-aq, ol sailaý komissiiasynyń jumysyn barlyq kezeń ishinde árbir 3 saǵat saiyn baqylap, maska taǵý rejiimn saqtaýy kerek ekenin aitty.
«Qoldy dezinfektsiialaýǵa arnalǵan sanitaizer bolýy kerek. Jihaz ben tehnikalyq jabdyqtar bir-birin 1,5-2 metr qashyqtyqta ornalasýy kerek. Ýchaskege kelgen sailaýshynyń bári meditsinalyq maskamen kelýi tiis jáne oqshaýlaý rejimin belgilep, araqashyqtyqty saqtaýlary qajet», - deidi ol.
