QR Eńbek jáne halyqty áleýmettik qorǵaý ministrligi 2021 jylǵy 10 qańtarda ótetin Parlament Májilisi men máslihat depýtattarynyń sailaýynda múgedektigi bar adamdar úshin qoljetimdi ortany qamtamasyz etý maqsatynda aýmaqtyq sailaý komissiialary úshin birqatar usynymdar ázirledi. Bul týraly atalmysh vedomostvonyń baspasóz qyzmeti habarlady.
QR Eńbekmini Ortalyq sailaý komissiiasynyń nusqaýlyǵyna sáikes múgedektigi bar adamdar úshin sailaý ýchaskeleriniń qoljetimdiligin qamtamasyz etýdi usynady. Atap aitqanda, pandýstar, shaqyrý knopkalaryn, taktildi plitkalar, kórsetkishter, monitory bar kompiýterler, qosymsha jaryqtandyrý, trafaretter jáne t. b. ornatýdy qamtamasyz etý qajet.
Budan basqa, onlain-sýrdoaýdarma nemese ymdaý tili mamandarynyń kezekshiligi usynylady. Sonymen qatar, sailaý ýchaskeleri ǵimarattyń birinshi qabatynan joǵary ornalasqan jaǵdaida múgedektigi bar adamnyń arbasyna arnalǵan arnaiy lift bolýy kerek.
Sailaý kúni sailaý ýchaskelerine tasymaldaý úshin invataksi jumys isteidi dep josparlanýda.
Sondai-aq www.inva.gov.kz «Qoljetimdi orta «interaktivti qoljetimdilik kartasy» portalyndaǵy obektiler ózektendiriletin bolady jáne sailaý ýchaskelerinde nemese úide daýys berý múmkindigi týraly túsindirý jumystary júrgizildi.
«Qoǵamnyń saiasi ómirine qatysý – árbir azamattyń Konstitýtsiiada bekitilgen quqyǵynyń ajyramas bóligi. Erkin, tikelei sailaý demokratiialyq memlekettiń negizi bolyp tabylady jáne belsendi sailaý quqyǵyna ie árbir azamat ony júzege asyra alýy kerek. Sailaý múgedektigi adamdarǵa qoǵamdyq ómirge qatysýyn jandandyrýǵa múmkindik beredi. Sondyqtan bizdiń mindetimiz OSK jáne jergilikti atqarýshy organdarmen birlesip, múgedektigi bar adamdar úshin qoljetimdi ortany qamtamasyz etý. Ol úshin búkil el boiynsha keshendi sharalar qabyldanýda», – dep atap ótti QR Eńbek jáne halyqty áleýmettik qorǵaý vitse-ministri Erlan Áýkenov.
OSK taldaýyna sáikes, 10 myń sailaý ýchaskesiniń 96%-y birinshi qabattarda ornalastyrylady, 84%-ynda pandýstar bar, 80%-y QNjE-ge sáikes keledi, 72%-ynda ǵimaratqa kirgen kezde tutqalary bar.
