QR Memlekettik hatshysy Qyrymbek Kósherbaev Májilis pen máslihattar depýtattary sailaýynda daýys berdi, dep habarlaidy QazAqparat.
Qyrymbek Eleýuly óz tańdaýyn elordadaǵy №126 sailaý ýchaskesinde jasady. Atalmysh sailaý ýchaskesi Maqsut Nárikbaev atyndaǵy №79 mektep-litseide ornalasqan.
«Búgin elimiz úshin airyqshy sát dep oilaimyn. Halqymyzdyń eń asyl muraty – Táýelsizdikti nyǵaitý jolynda maqsatymyz, sondai-aq óskeleń urpaq aldynda úlken jaýapkershiligimiz bar. Sony esinde ustai tura halqymyz burynnan tanbai kele jatqan óziniń parasattylyǵyn, yntymaǵy men birligin kórsetedi dep oilaimyn. Sol jaýapkershiliktiń deńgeiinde bolamyz. Álemde ártúrli jaǵdai oryn alyp, qoǵamdy jik-jikke bólgen árqily oqiǵalar bolyp jatyr. Osy sailaý – halqymyzdyń birligi men yntymaǵynyń, Táýelsizdik jolynda eń izgi qasietterimizdi kórsetedi degen oidamyn», - dedi Qyrymbek Kósherbaev.
