قر مەملەكەتتٸك حاتشىسى قىرىمبەك كٶشەرباەۆ مەجٸلٸس پەن مەسليحاتتار دەپۋتاتتارى سايلاۋىندا داۋىس بەردٸ, دەپ حابارلايدى قازاقپارات.
قىرىمبەك ەلەۋۇلى ٶز تاڭداۋىن ەلورداداعى №126 سايلاۋ ۋچاسكەسٸندە جاسادى. اتالمىش سايلاۋ ۋچاسكەسٸ ماقسۇت نەرٸكباەۆ اتىنداعى №79 مەكتەپ-ليتسەيدە ورنالاسقان.
«بٷگٸن ەلٸمٸز ٷشٸن ايرىقشى سەت دەپ ويلايمىن. حالقىمىزدىڭ ەڭ اسىل مۇراتى – تەۋەلسٸزدٸكتٸ نىعايتۋ جولىندا ماقساتىمىز, سونداي-اق ٶسكەلەڭ ۇرپاق الدىندا ٷلكەن جاۋاپكەرشٸلٸگٸمٸز بار. سونى ەسٸندە ۇستاي تۇرا حالقىمىز بۇرىننان تانباي كەلە جاتقان ٶزٸنٸڭ پاراساتتىلىعىن, ىنتىماعى مەن بٸرلٸگٸن كٶرسەتەدٸ دەپ ويلايمىن. سول جاۋاپكەرشٸلٸكتٸڭ دەڭگەيٸندە بولامىز. ەلەمدە ەرتٷرلٸ جاعداي ورىن الىپ, قوعامدى جٸك-جٸككە بٶلگەن ەرقيلى وقيعالار بولىپ جاتىر. وسى سايلاۋ – حالقىمىزدىڭ بٸرلٸگٸ مەن ىنتىماعىنىڭ, تەۋەلسٸزدٸك جولىندا ەڭ ٸزگٸ قاسيەتتەرٸمٸزدٸ كٶرسەتەدٸ دەگەن ويدامىن», - دەدٸ قىرىمبەك كٶشەرباەۆ.
