QR Prezidentiniń sailaýy kúni Nur-Sultan jáne Almaty qalalarynda áýe keńistigin paidalaný boiynsha tiisti shekteýler engizilmek, dep habarlaidy "Ult aqparat" Azamattyq aviatsiia komitetine silteme jasap.
«2019 jylǵy 9 maýsymda saǵat 04:00-den 24:00-ge deiin Nur-Sultan jáne Almaty qalalarynyń aýmaqtarynda ushqyshsyz ushý apparattaryn paidalaný boiynsha ýaqytsha shekteý qoiylady. Bul QR IIDM, QR IIM jáne QR Qorǵanys ministrliginiń kelisilgen sheshimi ekenin habarlaimyz. Shekteýler jer betinen 500 metrge deiingi biiktikke qoldanylady», - delingen Azamattyq aviatsiia komiteti málimetinde.
Osyǵan bailanysty atalǵan eldi mekender boiynsha belgilengen merzimde ushýǵa ruqsat berilmeidi.
«Bul shekteýler Nur-Sultan men Almaty áýejailarynyń qyzmetine jáne josparly reisterdi júzege asyrýǵa áser etpeidi. Shekteýli ushý aimaǵynda (ushqyshsyz ushý apparatyn ushyrǵan jaǵdaida) ruqsat etilmegen apparatty qoldanǵan adamǵa 10 AEK mólsherinde, laýazymdy tulǵalarǵa 20 AEK mólsherinde ákimshilik aiyppul salynady (Ákimshilik kodeksiniń 563-baby)», - delingen habarlamada.
Ushý apparattaryn paidalaný tártibi QR IIDM saitynda jariialanǵan.
