Sailaý kúni Almaty oblysynda 94 sábi dúniege keldi, dep habarlaidy "Ult aqparat".
Onyń ishinde 13 sábi taldyqorǵandyq. Olardyń 7-i ul, 6-y qyz bala. Bul týraly oblystyq perinataldyq ortalyq basshysy Qanat Jumashev málimdedi.
Dárigerler sailaý kúni ómir esigin ashqan náresteler men olardyń analarynyń qazirgi jaǵdaiy jaqsy ekenin aitty. Sábilerge Sailaý, Sailaýbek, Sailaýgúl syndy esimder berilip jatyr.
Aita keterligi, táýlik sońyna deiin jańa týǵan sábilerdiń qatary taǵy ósýi múmkin.
Ortalyq direktorynyń aitýynsha, biylǵy jyly bala týý kórsetkishi joǵary. Ótken jyldyń 12 aiynda 6 600 ana bosansa, biyl jyl sońyna deiin 7 000-ǵa jetedi dep kútilip otyr.
