Búgin Qazaqstan Syrtqy ister ministriniń birinshi orynbasary Shahrat Nuryshev QR Parlamenti Májilisine sailaýdy baqylaý úshin kelgen Túrkitildes memleketter yntymaqtastyǵy keńesiniń (Túrki keńesi) baiqaýshylar missiiasymen kezdesti, dep habarlaidy "Ult aqparat".
QR SIM málimetine sáikes, kezdesý barysynda qonaqtarǵa sailaý naýqany men rásimder týraly aqparat usynyldy. Taraptar Túrki keńesi aiasyndaǵy yntymaqtastyq máselelerin de talqylady.
Túrki keńesi 2009 jyly 3 qazanda Qazaqstan Respýblikasynyń Tuńǵysh Prezidenti – Elbasy, Túrki keńesiniń Qurmetti tóraǵasy Nursultan Nazarbaevtyń bastamasymen qurylǵan. Halyqaralyq uiymnyń shtab-páteri Stambýl qalasynda ornalasqan. Qazaqstan, Ázerbaijan, Qyrǵyzstan, Túrkiia, Ózbekstan uiym músheleri bolyp tabylady, al Majarstan baqylaýshy mártebesine ie.
