Elimizde sailaý naýqany kezinde ishki ister organy qyzmetkerleri kúsheitilgen rejimde jumys istep jatyr. Bul týraly QR Ishki ister ministriniń orynbasary Arystanǵani Zapparov málim etti, dep habarlaidy "Ult aqparat".
«Sailaý ýchaskeleriniń basym bóligi óz jumysyn aiaqtady. Daýys berý aiaqtalǵan óńirlerde jergilikti komissiia biýlletenderdi sanaýǵa kirisip ketti. Ishki ister organdarynyń qyzmetkerleri kúsheitilgen rejimdegi qyzmeti jalǵastyrýda. Olar qoǵamdyq tártipti saqtaýmen qatar, sailaý ýchaskelerindegi biýlletender men hattamalardyń aýdandyq, oblystyq komissiialarǵa esh kedergisiz jetkizilýin qamtamasyz etti. Daýys berý kezinde sailaý ýchaskelerinde túsinispeýshilik týǵyzǵan túrli oqiǵalardy eskermegende, aitarlyqtai zańbuzýshylyqtar tirkelgen joq», - dedi Arystanǵani Zapparov Ortalyq kommýnikatsiialar qyzmetinde onlain ótken baspasóz máslihatynda.
Vitse-ministrdiń aitýynsha, azamattardyń tynyshtyǵyn saqtaý jáne qoǵamdyq tártiptiń qaýipsizdigin qamtamasyz etý maqsatynda tártip saqshylary óz qyzmetin odan ári jalǵastyrady.
